: A A A
Jamiyat to'g'risida
Elektr energiyasini ishlab chiqaruvchi korxonalar elektr energiyasini ishlab chiqarishda xavfsizlikni taminlashi va magistral elektr tarmoqlariga sifat ko'rsatkichlari davlat standartlariga mos bo'lgan elektr energiyasini yetkazib berishi shart.
Markaziy Osiyodagi eng yirik elektr stansiyasi – o'rnatilgan quvvati 3000 mvt, foydalanadigan yoqilg'isi tabiiy gaz, zahiraviy yoqilg'isi mazut.
Stansiyaning qurilishi 1966- yilda boshlanib, 1981 - yilda yakunlangan.

Sirdaryo IES 2001 - yilda aksiyadorlik jamiyatiga aylantirilgan, ustav kapitali 13700650,0 ming so'm, 1 ta aksiyaning nominal qiymati 10 000 so'mni tashkil etgan bo'lsa, 01.01.2016 - yil holatiga esa ustav kapitali 91 566 272 000,0 so`mni, 1 ta aksiyaning nominal qiymati - 1 000 so'mni tashkil etdi.

Asosiy inshoatlari va uskunalari

Bosh korpusda har birining quvvati 300 mvt bo'lgan 10 ta energoblok joylashgan, ular quyidagilardan tashkil topgan:

- to'g'ri oqimli ikki korpusli gaz-mazutli tgmp-114 s qozonlari, bug' ishlab chiqarish unumdorligi 950 t/soat, taganrog qozon zavodida ishlab chiqarilgan;

- k-300-240-1 turbinalari, Leningrad mexanika zavodida (Sankt - Peterburg sh.) ishlab chiqarilgan;

- tvv-320-2 generatorlari, quvvati 300 mvt, kuchlanishi 20 kv, Sankt - Peterburgdagi «Elektrosila» elektrotexnika birlashmasida ishlab chiqarilgan;

- tds-400000/500 va tds 400000/220 transformatorlari, Zaporojtransformator ISHB va Transformator ISHB da ishlab chiqarilgan.

2001 - yilda Yevropa tiklanish va taraqqiyot banki tomonidan 27,8 mln aqsh dollari miqdorida kredit ajratilgan. 2 ta energoblokning rekonstruksiyasini 2003 - yilda Siemens firmasi bajargan.

Sirdaryo IES ikkita energobloklarini keng ko'lamli modernizatsiya qilish investitsion loyihasi bo'yicha O`zbekiston Respublikasi prezidentining 2010 - yil 15 - dekabrdagi 1442sonli 2011 - 2015 yillarda O`zbekiston Respublikasi sanoatini rivojlantirishning ustuvor yo'nalishlari to'g'risida va 2013 - yil 28 - noyabrdagi 2077- sonli Sirdaryo issiqlik elektr stansiyasidagi ikkita energoblokni to'liq modernizatsiya qilish investitsion loyihasini amalga oshirish chora - tadbirlari to`g`risida”gi qarorlariga asosan amalga oshirilmoqda.

Loyiha O'zbekenergo aksiyadorlik jamiyatining o'z mablag'i va Agrobankning kredit mablag'i hisobidan moliyalashtirilmoqda.

Xalqaro tender savdolari asosida modernizatsiya ishlarini amalga oshirish uchun Rossiyaning kompaniyasi (bosh pudratchi) bilan shartnoma tuzilgan. Hozirgi kunda 1-chi va 2-chi sonli energobloklarga keltirilgan yangi uskunalarni o'rnatish va sozlash ishlari birgalikda o'z yakuniga yetkazilmoqda.

Modernizatsiya ishlari to'liq amalga oshirilgandan so'ng quyidagi texnik-iqtisodiy ko'rsatkichlarga erishiladi:

- ikki energoblokning o'rnatilgan quvvati 25 MWt dan jami 50 MWt ga, yani umumiy quvvati 600 MWt dan 650 MWt ga oshadi;

- yiliga qo'shimcha 400 mln. kvt. soat elektroenergiya ishlab chiqariladi;

- yoqilg'ining solishtirma sarfi 35 - 40 gr/kvt soatga tejaladi;

- yiliga 100,6 ming tonna shartli yoqilg'i, yani 90,0 mln. kub metr tabiiy gaz tejaladi;

- energobloklarning xizmat davri kamida yana 20 yilga oshadi.

Sirdaryo va Tolimarjon issiqlik elektr stansiyalarida detander-generator qurilmasi qurilishi loyihasi to'g'risida O'zbekiston Respublikasi Prezidentining 2010 - yil 15 - dekabrdagi 1442sonli 2011 - 2015 - yillarda O'zbekiston Respublikasi sanoatini rivojlantirishning ustuvor yo'nalishlari to'g'risida va 2011 - yil 30 - iyundagi 1562 - sonli Sirdaryo va Tolimarjon issiqlik elektr stansiyalarida detander-generator qurilmalarini o'rnatish investitsion loyixasini amalga oshirish chora tadbirlari to'g'risida gi qarorlariga asosan amalga oshirildi.

Loyiha elektr energetika tizimida ilk marotaba amalga oshirilib, umumiy quvvati 15 MWt bo'lgan 3 ta (har birining quvvati 5 MWt.dan) detander-generator qurilmalari Sirdaryo issiqlik elektr stansiyasida o'rnatildi.

2013 - yilning 25 - sentyabrida 1-chi, 2014 - yil 25 - iyunda 2-chi va 20-chi iyulda 3-chi detander-generator qurilmalari ishga tushirildi. Loyiha amalga oshirilishi natijasida gaz yoqmasdan, yiliga ekologik toza elektr energiyasini ishlab chiqarmoqda va shu ishlab chiqarilgan elektr energiyasiga ekvivalent bo'lgan miqdorda tabiiy gaz iqtisod qilinmoqda.